台灣試管嬰兒嘅龍頭大佬，被病患稱為"送子爺爺"嘅李茂盛博士，從事不孕症治療已經34年，因為卓越嘅懷孕率同活產數，係各國不育症夫婦嘅口耳相傳下，目前已經幫上萬個家庭獲得健康可愛嘅BB ! 2011年更獲健力士世界紀錄 !
目前茂盛醫院生殖醫學中心可協助患者嘅項目如下:
一、試管嬰兒(In Vitro Fertilization, IVF)
借由精卵體外受精、胚胎培養再植入嘅方式懷孕。
二、人工受孕(Intrauterine insemination, IUI)
借由藥物誘導、協助排卵，再注射洗滌濃縮後嘅精液協助受孕。
三、凍卵(Social Egg Freezing, SEF)
方便現代女性考慮生涯規劃及年齡，預先保存卵子供未來使用。
四、捐卵借卵
高齡或受限於生理條件嘅女性，可以尋求年輕優質卵子得孕。
試管嬰兒簡介及適合的族群
試管嬰兒，簡稱「IVF」(體外受精)。將卵子同精子取出後，放喺胚胎實驗室培養，利用體外受精嘅輔助生殖技術，受精作用後，再將胚胎植入子宮，如果順利嘅話，佢將會子宮內著床並且慢慢成長。試管嬰兒療程一般係不育症治療經常會使用嘅方式，假如夫妻一年內都有規律進行未避孕性行為仍無法懷孕，就可以稱為不孕。但35歲以上嘅婦女，因卵子品質急劇下降，應積極受孕，半年內無法懷孕，可定義為不孕。根據臨床經驗，以下為建議採用試管療程嘅族群：
◆ 35歲以上或卵子庫存量減少嘅女性
◆ 兩側輸卵管阻塞或粘黏、中重度子宮內膜異位症嘅女性
◆ 精蟲品質不良、配偶精子存在染色體高風險者
◆ 有染色體基因疾病家族史
◆ 有反覆流產史
◆ 人工受孕多次失敗者
◆ 不明原因不孕症
不孕症檢查
台灣法律規定, 做人工受孕或試管嬰兒, 必須係合法夫妻,海外註冊亦可。假如未結婚嘅話,就只能先進行凍卵或凍精,保留一個傳承後代嘅機會。另外做試管嬰兒療程前, 建議夫妻先去不孕症科進行檢查，因為用藥係從"月經第三日"開始, 因此會建議如果要直接進療程, 可以喺太太嘅月經第二或第三日進行不孕症檢查。如果只係單純想了解自己嘅身體狀況，任何時間都可以直接嚟做檢查。檢查前唔需要禁食，但建議先生應禁慾3-5日，檢查結果會比較準確，如果曾經係其他醫院就醫，歡迎攜帶三個月內嘅相關檢查報告供醫師參考。太太會進行AMH、FSH等激素六項及子宮鏡檢查(子宮鏡會於月經乾淨時檢查), 先生則做精蟲分析, 檢查數量、活動力、穿透力。分別了解夫妻雙方嘅狀況，從而精確判斷不孕的原因。茂盛醫院擁有4D超音波及精蟲穿透力分析嘅技術領先亞洲各國, 幫助過好多喺海外醫院搵唔到正確不孕原因嘅夫妻,對症下藥先可以準確提高試管成功率。
試管嬰兒流程
試管嬰兒分短療程同長療程，短療程係一個月, 長療程係二個月, 醫師將按患者狀況決定採用長或短療程,可以話係為你客製化療程嘅貼心服務。如果係長療程, 第一個月嘅第一療程階段主要係藥物使用，第二個月嘅第二療程階段就開始打排卵針同抽血檢查, 進行取卵同植入胚胎嘅流程。
（一）試管嬰兒流程圖
第一個月（藥物使用）
由月經開始嘅第五日開始服用悅姿(YAZ)同愛妥糖(Actos)，每日飯後服用各一粒。而月經開始後嘅第16日，就要再食多一種內膜增厚口服藥，三餐飯後各一顆，持續服用到月經後第25日為止。而月經第21日開始，每日都要服用一粒阿斯匹靈直到驗孕；同時每日要施打柳培林(Lupron)一次，直到採卵前為止。
月經第3日~第31日：
服用悅姿(YAZ)和愛妥糖(Actos)每日飯後服用各一粒
月經第16天~第25天：
服用內膜增厚口服藥，三餐飯後各一顆
月經第21天~第31天：
每日服用一粒阿斯匹靈+施打柳培林(Lupron)
（二）試管嬰兒流程圖
第二個月（療程週期）
第二個月嘅月經開始第二或三日就要回診進行抽血檢查E2、P4、LH照超音波檢查，同時仲要開始施打排卵針，而先前施打的柳培林到採卵前也都還要持續施打。月經來後的第八天左右需要安排醫院回診，追蹤濾泡大小、抽血檢驗，並且繼續打排卵針。（提醒先生需到院取新鮮精液）而月經第十二日到十六日則要視個人濾泡狀況施打破卵針準備取卵，老公也須到院提取新鮮的精液，以便進行後續胚胎培養。取卵後的第二到五日之間，醫生會依據卵子數量、品質和抽血指數進行胚胎植入，直到取卵第十八日後再驗孕。
月經第3日~第7日：
抽血檢查E2、P4、LH照超音波檢查+施打排卵針
月經第8日左右：
追蹤濾泡大小、抽血檢驗、打排卵針(開始儲存精液)
月經第12日~第16日：
視個人濾泡狀態打破卵針準備取卵,取新鮮精液
月經第18日~第21日：
胚胎培養2~5日後進行植入(醫師根據卵子數量、品質與抽血指數而定)
月經第33日~第36日：
驗孕檢測
試管嬰兒嘅流程睇落複雜又麻煩，但其實一切都係為咗提升試管嬰兒嘅成功率，透過藥物刺激卵泡發育，提高成熟嘅卵泡數目，利用抽血同超音波幫助醫生判斷卵泡數目、卵泡嘅大小同成熟度同樣係有助於提升試管嬰兒成功率嘅關鍵要素，雖然過程麻煩，但為咗提取更多成熟嘅卵子，一切都係值得嘅。
各代試管技術介紹及成功率
講到試管嬰兒嘅成功率，首先必須知道試管嬰兒技術分成四代，每一代嘅試管嬰兒成功率都唔同，今天除咗要針對不同代嘅試管嬰兒成功率與技術做介紹及比較之外，仲要破解大家普遍的迷思。試管嬰兒第一代至第四代的差別，主要在於各代技術適用嘅對象不同，唔可以用產品越新就越厲害的思維去理解，首先都係要了解各代之間嘅技術同差異，先可以選擇適合自己嘅試管嬰兒技術，進而提升試管嬰兒成功率，同時避免試管嬰兒費用超出預算。
【試管嬰兒第一代】
試管嬰兒其實就係體外受精，胚胎移植技術嘅俗稱。而第一代嘅試管嬰兒始於1978年，直接將精卵放喺同一個培養基中，等精子同卵子自由结合，如同一般嘅「常規受精」，咁就係第一代試管嬰兒技術(IVF-ET)。
適用對象：主要針對女性不孕者，適合輸卵管堵塞、子宮內膜異位、内分泌等引起嘅不孕症患者。但如果男方存在精子數量不足嘅問題，就可能體外受精失敗。
【試管嬰兒第二代】
第二代試管嬰兒技術又稱為單精子卵泡漿內注射技術(ICSI)。有別於第一代精卵子嘅自由結合，第二代試管嬰兒需要在顯微鏡下操作，使用一個特殊固定器將卵子固定，而後再用針管吸取一個精子，穿透卵細胞外面嘅透吸帶和卵細胞膜，將針頭插入卵子嘅細胞質後再將精子注入。
適用對象：主要針對男性不孕者，例如：精子数量稀少、活動力不足、無排精，但輸精管內仍有少量精子；或是精子活動量充足仍無法同卵子結合時，就適用於第二代試管嬰兒技術。
【試管嬰兒第三代】
試管嬰兒第三代技術，以第二代嘅技術為基礎，偏重於胚胎著床前嘅遺傳診斷。當胚胎發育到4~8個細胞嘅小胚胎時，會取出1、2個細胞(分裂球)，通過分子診斷，進行遺傳學檢查，確認胚胎沒有遺傳疾病後再進行胚胎移植。
適用對象：可適用於男性、女性不孕症，同時適用於年齡超過34歲嘅高齡產婦、夫妻其中一方或雙方有遺傳疾病、多次自然流產紀錄或者染色體異常等患者，主要係要透過胚胎着床前染色體篩檢(PGS/NGS)及胚胎着床前基因診斷(PGD)防止遺傳疾病傳遞。
【試管嬰兒3.5代】
三代試管「胚胎著床前基因篩檢(PGS)」，主要可解決夫妻因高齡造成胚胎染色體異常的問題，亦適用於試管多次失敗、多次流產的情況。而茂盛醫院用嘅係解析度最高的「次世代定序分析平臺(NGS)」，可排除六萬多種如唐氏症等異常染色體基因。
再導入AI人工智慧系統「胚胎影像即時監控系統(Time-lapse)」即係3.5代試管，系統可以喺唔取出胚胎嘅情況下進行長達120小時嘅觀測。胚胎嘅培養皿內裝置咗特殊嘅辨識晶片，能夠自動讀取並儲存病人嘅胚胎資料，並隔絕污染，堪稱是完美嘅培養環境！同時，監控系統中嘅顯微鏡頭每10分鐘為胚胎拍照，每1顆胚胎會影低1萬張相，完整記錄胚胎發育過程。
適用對象：試管多次失敗、多次流產。
【試管嬰兒第四代】
3.5代嘅基礎上再搭配茂盛醫院獨家發展出嘅「最新演算法」，幫這些龐大影像資料做精密演算同分析，即係幫胚胎打分數後揀出最優良嘅胚胎，其懷孕率會是一般胚胎嘅3倍，整體懷孕率可以提高至8成以上、流產率亦大降至5%，係高齡不孕婦女最後嘅生子契機。
【借卵試管嬰兒】
因年齡或先天後天疾病，造成無卵或卵子無法使用嘅婦女，可透過借卵來完成得子心願，目前茂盛醫院已經有自己嘅卵子庫，捐卵者平均年齡26歲，捐卵前需先通過嚴格嘅身體及染色體檢查。病患亦可按照自己需求選擇借卵後，再按照自己的情況挑選二、三、四代嚟提高懷孕成功率。根據台灣衛生署公布嘅資料，41歲以上嘅高齡婦女施行自卵試管，懷孕率僅有5~10%，活產率不到4%。但根據歷年借卵嘅懷孕率統計，都能達到65%以上，活產率則為55%。本院借卵試管嬰兒療程更搭配最先進嘅AI人工智慧系統，令整體懷孕率更高達80%以上，係高齡婦女嘅另一種選擇。
無論係第幾代試管嬰兒，試管嬰兒成功率想一定係大家最關注嘅重點。根據李茂盛醫師表示：一代試管嬰兒係藉由排卵針、排卵藥助孕，試管嬰兒成功率大約20％～30％，二代試管主要藉由排卵藥改良，令排卵增加，懷孕成功率提升至50%~60%，三代試管利用「胚胎著床前基因篩檢(PGS) 」排除染色體異常，提升懷孕成功率至80%。
3.5代及四代試管就運用咗AI人工智慧系統「胚胎影像即時監控系統(Time-lapse)」，累積33年臨床經驗搭配「最新演算法」，令懷孕率大幅提升至80~85%。 借卵試管如果搭配AI人工智慧系統，懷孕率都可以提升到80%以上，即使係超過45歲嘅高齡婦女亦有機會圓夢。
同時，李茂盛院長提醒大家，台灣不孕症盛行率已經從10％躍升為15％，不孕症原因從過去輸卵管阻塞、排卵不正常以及男性精蟲稀少演變為晚婚女姓卵子老化所致，所以建議想生BB但仲未有對象嘅女性朋友，可以係34歲前將卵子冷凍保存起嚟，往後做試管嬰兒成功率及卵子品質會相對比較高。
根據香港統計署發表嘅《香港的女性及男性—主要統計數字（2019年版）》數據顯示，1986年女性平均25.3歲結婚，2018年已升至29.7歲。香港女性面對晚婚趨勢以及香港每六對夫婦就有一對面對不孕不育嘅煩惱，雪卵係一條可以為未來留下希望嘅後路。
各代試管嬰兒費用
台灣試管技術享譽全球，試管懷孕率全球第二，僅次於美國，但費用係歐美同亞洲周邊國家嘅一半甚至三分之一，價格合理同時亦能享有最高品質嘅醫療服務，因此吸引咗大批海外病患嚟台灣就醫。就茂盛醫院嚟講，目前已經無提供第一代，嚟醫院都是做二代以上嘅試管療程。建議先嚟台灣初診後，諮詢醫師建議適合的療程，國際事務部及諮詢師會詳細解釋為你度身訂做嘅試管嬰兒療程同價錢。
以上試管嬰兒成功率嘅數據係以各代試管嬰兒技術互相比較，實際成效因個人療程及身體狀況而異。試管嬰兒療程費用會因為個人身體狀況唔同，用藥上有所差異而影響價錢。
成功案例分享
台灣名作家女王影音分享(主治醫師:李茂盛院長)
台灣知名部落客流氓夫妻影音分享(主治醫師: 李茂盛院長)
知名部落客布萊克夫婦影音分享(主治醫師: 李俊逸醫師)
>> 試管嬰兒療程相關訊息請參考茂盛醫院官網
若希望來台治療
請聯繫本院國際事務部為您服務
Email : ivftaiwan.hk@gmail.com
Whatsapp:+886-966-537635
公眾號 : 台灣茂盛IVF助孕中心
生育小學堂 (5)
